Obras mestras da nosa literatura oral

A literatura oral é, ante todo, literatura. Por suposto, non toda a literatura popular acada o mesmo nivel de calidade. Como na sociedade actual, existen contos sen gran pretensión e cantigas de rima fácil. Pero tamén hai algunhas obras de altura, con imaxes prodixiosas, como as da transformación de Brancaflor na súa fuxida, as do nacemento dos cabaleiros xemelgos, as da cerva branca, as do conde Arnaldos... Velaí a característica máis salientable da literatura oral galega e europea.